بكلمات مؤثرة جدا ودعت النجمة إيمان العاصي أسرة مسلسل ” برغم القانون ” الذي قامت ببطولته ؛ وكتبت إيمان بعد انتهاء التصوير بوست خاص وجّهت فيه رسائل لكل من شاركها في المسلسل أرفقته بعدد من الصور الخاصة بكواليس العمل ؛ فكتبت قائلة : خلصت الرحلة الحلوة الحمدلله علي خير رحلة أبتديت فيها شهر يناير ٢٠٢٤ مع المنتج الفنان صاحب الرؤية الفنية الكبيره و المهمه و الناجحه في عالم الدراما @remonmagar سعيدة جدآ بأختيارك ليا بعمل مسلسل متكامل زي #برغم_القانون خطوة مهمه جدآ في مشواري الفني بشكرك علي الثقه فيا جدآ
أستاذة نجلاء الحديني @naglaelhedeny مافيش كلام يوصف حبي واحترامي ليكي و لفنك و رؤيتك الموضوعيه لكل الشخصيات وابعداها النفسية أنا محظوظه جدآ بشغلي معاكي
أستاذ @shady_abdelsalam1 بفنك و موهبتك قدرت تعيشنا جوا الشخصيات و تفاصيلك الخاصه بكل شخصيه اللي خلقتها لينا بشكرك علي كل توجيه وتعبك ومجهودك علشان يطلع العمل بالشكل دا وخصوصآ وانك استحملتني ????
أستاذ @ali_adel_d.o.p بحبك جدآ وبحترمك و ومبسوطه انه كان ليا الحظ أني اشتغلت معاك في عمل هو خطوه مهمه جدآ في مشواري كنت حقيقي مش بس مدير التصوير المسلسل انت كنت مهتم بتفاصيل كل حاجه وكنت بتتعب اكتر مننا كلنا
وحقيقي أنا حظي حلو بيك و ب (ماركو ويوسف و عزمي و إيكا
أحمد جمال (چيمي) مهندس الصوت بحترمك و بحترم فيك حبك وإخلاصك الشديد لمهنتك اللي هي من أهم عناصر اي عمل فني بشكرك يا استاذ
نوبي شكرآ علي مجهودك الكبير و خصوصآ ديكور روف بيت عم صلاح اللي خلي كل
االناس تقلب بورسعيد عليه ????????
الأستاذة مونيا فتح الباب مصممة الملابس بشكرك علي انك قدرتي توحدي الشخصيات بالشكل الخارجي ليهم بالشطاره دي اتشرفت جدا بالشغل معاكي
كل الزملاء الفنانين اللي بجد أتشرفت بالعمل معاكم لأنكم أضافه لأي عمل بفنكم و خبرتكم ومحبتكم لمهنتكم والتفاني المطلق رغم اي حاجه صعبه عشناها سوا هتوحشوني قوي قوووووي والله
وأخيرآ الجمهور العظيم اللي اغمرتونا بمحبتكم و تقديركم الطيب لكل صناع العمل كلمة شكراً مش كفايه ليكم كنتم أصحاب الرحلة والمشوار كنا بنقرأ كل تعليقاتكم و شوفنا تفاعلكم معانا و اتبسطنا قووووي انه تعبنا كانت نتيجته رضاكم ودا كان اللي بنسعي ليه
هتوحشوني قوووووي و اللي جاي أحلي ????????????????????
يذكر أن المسلسل تصدّر محرك البحث “جوجل” ، وحاز المسلسل على إعجاب الجمهور منذ بداية عرضه عبر منصة Watch It. ويُعتبر هذا العمل أولى تجارب الفنانة إيمان العاصي في البطولة المطلقة.
المسلسل يضم نخبة من النجوم إلى جانب إيمان العاصي، منهم وليد فواز، هاني عادل، محمد القس، عابد عناني، فرح يوسف، عايدة رياض، محمد محمود عبدالعزيز، جيسيكا حسام الدين، ونبيل علي ماهر. العمل من تأليف نجلاء الحديني، وإخراج شادي عبد السلام، وإنتاج الشركة المتحدة بالتعاون مع شركة فنون مصر للمنتجين ريمون مقار ومحمد عبد العزيز.
