في الوقت اللي العالم بيتجه فيه بقوة نحو السيارات الكهربائية، لسه في دول كتير بتعاني من قلة محطات الشحن والزحام المستمر، وده بيخلي ناس كتير تتردد قبل ما تشتري عربية كهربائية.
ومن هنا بيظهر اقتراح بسيط لكنه عملي جدًا:
ليه شركات تصنيع السيارات الكهربائية ما تصنعش “Power Bank” خاص بالعربية، يكون متوافق مع قدرة البطارية وحجم السيارة نفسها؟
الفكرة ممكن تساعد السائقين وقت الطوارئ أو أثناء الزحمة والسفر، خصوصًا في الأماكن اللي محطات الشحن فيها قليلة أو بعيدة. زي ما الموبايل بقى ليه باور بانك، العربية الكهربائية كمان محتاجة حل سريع ومتنقل.
الابتكار ده ممكن يغيّر تجربة استخدام العربيات الكهربائية بالكامل، ويخلي الناس تطمن أكتر لفكرة التحول للطاقة النظيفة بدون خوف من نفاد الشحن فجأة.
✍️ بقلم: ملك السيد السيسي