أشاد الإعلامي الكبير دكتور عادل العبساوي – وكيل وزارة الإعلام سابقا بمحطة القطارات الجديدة ببشتيل ووصفها بالعالمية ونشر العيساوي عددا من الصور للمحطة وكتب على حسابه الخاص على الفيس بوك قائلا : فيه عظمه هاتحصل في مصر يوم السبت القادم إن شاء الله ١٢ أكتوبر ????????
دي مش هاتبقي محطه قطار أقسم بالله..دا انت كأنك داخل مول مصر. او مول العرب..دي افخم من أفخم مطار أوروبي السبت القادم هايتم إفتتاح محطه قطارات الصعيد ببشتيل..
المحطه مش محطه عاديه..دي فيها مول تجاري ٥ نجوم..وفيها فندق ٥ نجوم وفيها مطاعم لكل المستويات..وفيها صيدليات ومكاتب لمصالح حكوميه.
.
المحطه هايبقي فيها واي فاي فري مجاني
المحطه مكيفه تكييف مركزي ????
المحطه دي كانت أحد احلامي واتحققت وباقي أيام علي الافتتاح ????????????
المحطه دي ملحق بها جراج متعدد ضخم..وبتوصل لها بسهوله .. سواء مترو الخط الثالث أو من خلال محور عرابي بسياره ٣ دقائق من ميدان سفنكس..ومربوطه بالمونيريل والقطار الكهربائي السريع..السوبر جيت
علي فكره..الحقيقه أجمل من الصور بكتير
مبروك لاهالينا بالصعيد محطه تليق بكم
ماتنسوش يوم السبت العظمه إن شاءالله ????????
وتحيا مصر ويارب دايما عمار يا مصر ????????????
