انتشر بوست على الفيس بوك يروج لاعتزال النجمة رانيا فريد شوقي التمثيل .
من جهتها حرصت رانيا على توضيح الحقيقة حيث كتبت على حسابها الخاص على الفيس بوك نافية هذا الخبر جملة وتفصيلا وقالت :
انا لم اعتزل التمثيل نهائيا♥️ وهذا الخبر كاذب
قالك رانيا اعتزلت التمثيل كل ده عشان نشرت بوست يخص زميلي كريم الحسيني لاني تأثرت بكلامه و بعتز بصداقته و احترم موهبته و لازم نعترف ان في مشاكل في المجال الفني و بنحاول نساعد بعض هو كتب انه اعتزل السعي في الوسط الفني و اعتزل ما يؤذيك و كلامه كله بصيغه مذكر و كله معلومات فنيه عنه كفنان زي ما شيرت قبلها بيوم بوست برضه لاحمد عزمي. بحاول اساعد خدتوا البوست و عملتوا خبر كاذب بسبب ان اللي بيشوف مش بيقرا كل الكلام و لا بيركز فيه و لا حد بيراجع الخبر المهم اللحق انزل خبر قبل حد تاني دي مشكله كبيرة لما بعض من السادة الصحفيين مابيقروش البوست كله و لا مركزين ان اسم الزميل مكتوب علي البوست و لا حتي يتصل يسأل قبل ماينزل الخبر يبقي بجد عندنا مشكله كبيرة اوي حزينه بجد احنا بقينا في عشوائيه و اعتقد ان كتير من السادة الصحفيين المهنين نفس شعوري لانهم اتعلموا اصول المهنه علي يد أساتذة كبار و انا من الشخصيات اللي الحمدلله علاقتي بالسادة الصحفيين جيده و ليا أصدقاء كتير بعتز بصداقتهم جدا و عشرة عمر جميل ارجو من البعض تحروا الدقه قبل نشر أي خبر احترامي للجميع .
كانت رانيا فريد شوقي قد تالقت في حفل افتتاح ملتقى اولادنا لذوي الهمم الذي أقيم الجمعة الماضية داخل المسرح الكبير بدار الأوبرا المصرية وشارك فيه ايضاً صفاء أبو السعود ومحمد عادل .
