شهدت حلقة برنامج “تفاصيل” مع الإعلامية نهال طايل، والمذاع على قناة “صدى البلد 2″، مواجهة حادة بين الفنان مصطفى كامل، نقيب المهن الموسيقية، والفنان اللبناني راغب علامة، على خلفية الأزمة التي أثارها حفل الأخير في الساحل الشمالي، بعد تداول مشاهد على مواقع التواصل الاجتماعي تُظهر قبلات وأحضان بينه وبين عدد من المعجبات على المسرح.
وخلال مداخلة هاتفية، عبّر مصطفى كامل عن غضبه الشديد مما حدث في الحفل، قائلاً لراغب علامة:
“يعني بكرة نعمل مهرجان البوس والأحضان على مسارح مصر؟!.. حضرتك ضربتلي مثل بأم كلثوم، آه في معجب وقعها من على المسرح، لكن ما باستهوش ولا حضنته، إحنا كلنا عندنا معجبين لكن بنعرف فين نقف”.
وأوضح مصطفى كامل أن قرار النقابة لم يكن “منعًا” من الغناء كما روج البعض، بل هو “إيقاف مؤقت للتصريح” لحين مثول راغب علامة للتحقيق، وقال: “فيه فرق بين الاستدعاء والمنع والشطب، القرار تم صياغته بشكل خاطئ من موظف، وأنا طلعت اعتذرت عن الصياغة علنًا”.
وأضاف نقيب الموسيقيين: “إحنا مش ضد راغب، ولا ضد أي فنان عربي، كلنا أشقاء، وما فيش عنصرية في الموضوع، لكن اللي حصل لا يليق بمصر ولا بتاريخ مسارحها، البلد دي ما حصلش فيها كده قبل كده، ولا ينفع نسكت عن اللي حصل”.
وتابع مصطفى كامل مؤكدًا على أهمية احترام الأعراف المصرية:
“أنا مش ضد الفن، لكن في فرق بين التعبير عن الفرح وبين التصرفات اللي تثير استياء الجمهور، واللي حصل مش قليل.. دي مش حاجة نعديها أو نهون منها”.
ووجه كامل اعتذارًا للمشاهدين على انفعاله قائلًا: “أنا زعلان ومش قادر أمسك نفسي.. ده مش تهوين ده تجاهل لمشكلة حقيقية، ولما نغلط لازم نعترف بغلطنا.. اللي حصل مش في مصر بس، لو حصل في أي دولة عربية تانية كان هيبقى فيه نفس الرفض”.
وختم قائلاً: “احترامنا لمسرحنا وتقاليدنا مش معناه إننا بنقلل من قيمة فنان.. لكن لا يمكن نقبل اللي حصل، لا من راغب ولا من غيره”.
???? للمشاهدة الكاملة:
https://www.facebook.com/share/v/1G44FDCWUn/
